من ســـــــيربح المــــــــــازوت

من طرف **سالي** الأربعاء ديسمبر 09, 2009 6:51 am

من ســـــــيربح المــــــــــازوت

عزيزي المواطن أهلا بك في برنامج من سيربح المازوت و نرجو لك التوفيق.
عليك الاجابة على الاسئلة التالية بـ ((نعم)) او ((لا)).

علما ان كل سؤال تجيب عليه يخولك ربح ليتر واحد من المازوت تقدمة مؤسسات الثروات الباطنية السورية

السؤال الاول :
هل انت متزوج ؟؟ اذا كان جوابك:

لا ستربح ليتر من المازوت

واذا كان نعم ستخسرلانو مرتك بتدفيك

السؤال الثاني :
هل تملك أكثر من غرفة؟؟ اذا كان جوابك:

لا ستربح ليتر اخر من المازوت

واذا كان نعم ستخسر

لان وجود اكثر من غرفة يعني انك تملك غرفة ضيوف و بالتالي ستقوم بعزيمة الناس اليها و تقدمة الضيافة لهم وبالتالي مصاريف عالفاضي ستؤثر على الاقتصاد الوطني و اصلا هذا يعني انك مبحبح ماديا يخرب بيتك و لسا بدك دعم

السؤال الثالث :
هل تأكل أكثر من وجبة باليوم؟؟ اذا كان جوابك:

لا ستربح ليتر اخر

واذا كان نعم ستخسر لان تناول الطعام الزائد يؤدي الى تكديس طبقات من الدسم تحت الجلد

تغني عن التدفئة بالمازوت

السؤال الرابع :
هل تمارس النشاط الرياضي؟؟ اذا كان جوابك:

لا ستربح ليتر اخر

واذا كان نعم ستخسر

لان النشاط الرياضي يحتاج الى عملية حرق للسكر وعملية الحرق تحتاج الى مازوت و بالتالي ستقوم بصرف المازوت لغايات غير التدفئة يا ملعون وين رايح مفكر حالك اذكى منا

السؤال الخامس :
هل تملك اكثر من بطانية؟؟ اذا كان جوابك:

لا ستربح ليتر اخر

واذا كان نعم ستخسر لانو من شو بيشكي الدفا تحت البطانيات

السؤال السادس :
هل تملك صوبيا؟؟ اذا كان جوابك:

لا ستربح ليتر اخر

واذا كان نعم ستخسر لانك صاحب املاك ما شاء الله حولك ،الله يرزقك

الــنتيجـــــــــــة:
اذا استطعت الاجابة بــ لا على كل الاسئلة ستنتقل معنا الى برنامج الكهرباء

:

من طرف **لمـــى** الأربعاء ديسمبر 09, 2009 6:05 pm

يعني يا سالي بعطيكي عشرة على عشرة بهالموضوع

للاسف شرالبلية ما يضحك ذكرتيني ببونات المازوت ههههه

يوم رحت لتطلعهن وطبعا المفروض الرجال يعمل هيك بس بتعرفي كان مسافر فقلت للمحترم يلي على البيرو انو زوجي مسافر وهيدي الاوراق المطلوبة بذكر صورة عن الهوية ودفتر العيلة

قام قلي لا ما فيني اعطيكي البونات ما بيحقلك هههه طبعا بعد النطرة ساعة
فهون انا جن جنوني عليه ورفعت صوتي فيه
قلتلو يعني اذا الرجال مسافر المرة والاولاد الله لا يردن
قال لكن ارجعي وحددلي ساعة ورجعت ومشي الحال كتر خير الله الحقيقة فضل علينا هههههه وسنتها ما شتيت هونيك هههههه

المهم هاي ضيفيها سالي عندك
اذا جوزك مسافر بيحقلك مازووووووت
لا ......وفرنا كم بون مازوت هههههه

تحياتي الك يا غالية وكل بون بون وانت بخير هههههه

أنا المواطن
تموت النار تحت مواقدي
و يفطس من جوع باري الفأر...

عللتنا بالوصل و أنت عليمة
بأننا لا تباع لنا حصر...

إلى "الجلّة" عودوا

من سيربح المازوت.....؟؟؟؟؟؟؟؟
يبقى السؤال سؤال..... وتضيع الحقوق بوطني هناك
يبقى من يرتجف برداً وربما هلعاً....
ويفضل برد المازوت على هدوء الخنوع
ايتها الغالية
دائماً تطرحين امامنا اوجاع المواطن على ارض الوطن
تعليقات رائعة ولن يولد بعد من سيربح المازوت
تحياتي لك مع كل الحب

من ســـــــيربح المــــــــــازوت

من ســـــــيربح المــــــــــازوت

رد: من ســـــــيربح المــــــــــازوت

رد: من ســـــــيربح المــــــــــازوت

رد: من ســـــــيربح المــــــــــازوت