حزام طبيب مباشر شرطي ((مهم جدا))

من طرف **لمـــى** الخميس أكتوبر 22, 2009 3:43 pm

اسمعوا هالنكتة الحلوة

قال مرة في طبيب ذكي عن كل فحصية اولى بياخد 50 وعن الزيارة التانية بياخد 25 ((بدون فرق عملة))

اي المهم اجا لعندو مريض فهمان وذكي من دخلتو لعند الطبيب قلو

يا دكتور المرة الماضية وصفتلي دوا ما فادني ((قال يعني منشان ما يدفع الخمسين))

الدكتور كان فطين وذكي وفهم اللعبة من بعد ما فحصو للمريض وقلبو يمين وشمال قلو امورك كلها تمام واضب انت بس على الدوا يلي وصفتلك ياه المرة الماضية

واحد هيك فهمان وذكي كتير من ضيعة هيك صوب هونيك عرفتوها
المهم وهو على متن طيارة متجهه لأحد الدول هديك عرفتوها
المهم اجت مضيفة حلوة وغنوجة عم تسألو بابتسامة قالتلو

حضرتك بدك عشا كامل
اتطلع فيها باستغراب واذ هوي ما عرفو لكامل بس تذاكا هيك ورد عليها بابتسامة
ليش كامل ما بدو عشاه

طبعا ما عرفت كامل من اي ضيعة ههههههههه

هههههه قال سألوا واحد يمكن من نفس هيديك الضيعة يعني الله والعليم
قالولوا مين اهم الشمس ولا القمر
صفن صفن وقلن طبعا القمر اهم
سألوه ليش قام قلن
القمر بيطلع بالليل ينور علينا والدنيا ليل شغلة مهمة هاي
اما الشمس بتطلع بعز النهار وقت بيكون اصلا الدنيا منورة

واحد كمان من هونيك ساكن جنب جارو المهم
راح يحضر مباريات كرة قدم
اللعيبة عم تلعب والعالم قايمة قيامتها وعم تقول غوووووووووووووووووووووووووووووول

وهوي تارك الدنيا كلها والملعب واللعيبة والغووووول والناس وعم يطلع لفوق
بتعرفوا ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قال كل شي اعلنوا عنو لقاه بس مضيع مباشر عم يدور عليها ((((والله فهمان نيال عيلتو فيه)))

في شوفير راكب سيارة وقفو شرطي وسألو
انت ليش مش حاطط الحزام

رد الشوفير وقلو
اصلا انا مش لابس بنطلون

المرة الجايي تسميع عل الغايب