لهفي على وصــــــــــــال !؟

في داخلي إحساس يصرخ بجوفي .. ويده يشق صخور ويهد جبال
وده يزيل بصرخته كل خوفي .... وده يبدل ما انكتب لي من احوال
بالله يا دنيا على النفس روفي ..شو يلي بقي للقلب من هم ما طال
عايش على احزان اتعدت وصوفي .. عجزت انا منها ودمعي لها سال
ما غير اخبي عبرتي في كفوفي .. خوفي على رجعتي من القيل والقال
عاجز عن الشكوى وصعبة ظروفي ..حتى المشاعر بهالبلد بالاغلال
يا الله يا عارف كل خوفي .. ...........ما حيلة مضيع حياته بالآمال
تايه بدنيا ما عليها حسوفي .. .....تحرقني الشمس وادور على ظلال
غربة سكنت قلبي وعقلي وشوفي .. ....يا شينها غربة ويا شينها حال
يا غاليتي عندي عزاي بحروفي .. ..تطوي لك دروب ومسافات واميال
ترى حبي لك اقوى من الوصوف .. ......لا تقولي انك بعيدة عن البال
يا فرحتي لو قلت يا هيومتي شوفي .. ما حد غيرك ترى وثق بي حبال
يا ما سرحت اتخيلك في طيوفي .. .وياما على صوتك غدا الهم وانزال
هذي مشاعر صورت ما بجوفي .. حزن تمكن بي ولهفي على وصال