أنستي العزيزة

من طرف غسان الإثنين يناير 03, 2011 6:07 am

آنستي العزيزة..

اذا انخطبتي.. فإليك نصائحي

أجمل ما في الخطوبة العزايم الرومانسية
على أحلى محلات أكل في البلد

واللي عمرك ماراح تشوفيها بعد الزواج..

المهم نصائحي لك عند أي عزيمة مع خطيبك..

كلــــــــــها رقَّــــــــه ....

1. الأول لازم تعرفي إن الشوكة والسكينة بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًااا

2. الخبز .. أوعي تفضحينا وتقطعيه بسنانك ولا الرغيف نصين بأيدك وكل نص لقمة وعلى دحش أوعي.. الخبز بيتقطع بالسكينة بالصحن.. وبعدين بتاخدي لقمة.. لقمة.. بالزور قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِشّي متل ما بدك....

3. الشوووربة : بليز .. الله يخليكي .. بند الشوربة مهم جدًاااا.. الشوربة بتنشرب من غير صوت أبداً.. ومن غير ماتقعدي تنفخي فيها.. متل صبي النارة تبع الأركيلة اللي بينفخ في الفحم للزبون.. وطبعًاااااا بدي ياكي تنسى تمامًا الطاسة اللي بتحطيها على تمك في البيت وتشرشري على حالك..
بالمعلقه وبدون صوت.. سخنة .. نار .. كمان بدون صوت.. وبتتركي تلت الطبق ع الأقل.. مو تميليه.. منشان تلهطيها لآخر نقطة.....

4. الرز طبعاً بيتاكل بالشوكة أوعي إيدك تنمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه .. مو بتاكليه..

5. المعكرونة.. الاسباكتي كمان بالشوكة.. بتنلف على طرف الشوكة.. لحد ما تخلص وبعدين تحطيها ف تمك عالسكت.. مو تشفطي المعكرونة عود عود..

6. السمك.... آآآآآآآآآآآآآآآآه مشكلة، السمك مشكلة.. شوفي.. بتفصلي اللحم عن الشوك. شلوووون..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ما تقلبي السمكة.. بلا فضايح.. شيلي السلسلة بالشوكة والسكينة وحطيها جنب الصحن وكملي أكل النص التاني.. وبدال الفيلم الهندي هاد.. نصيحة.. ما تاكلي السمك أبداً.. قولي مابحب السمك ونفدي حالك..

7. الجمبري -إذا كنتي بتعرفيه-.. أول ماطبق الجمبري بينزل.. طلعي عليه بقرف واحتقار شديدين.. قال يعني قرفانة من كتر أكل الجمبري فيبيت بابااااا.. وأتنهدي بقوة وقولي.. كمااااان..؟؟؟ وبتروحي قاطعة راس الجمبريياية بالشوكة.. أنا ف عرضك إنسي المصمصة هلق..

8. البطاطا سواء مسلوقة أو مقلية أوعي تهرسيها وترميها ع الرز ويللا..... لا..لآ...لآ...بالشوكة قطعة قطعة وإنت متل ما تكوني راح تبكي من كتر ما البطاطا صعبانة عليكي..

9. الفاكهة.. لو الفاكهة فيها بذر طلعيه من تمك على مهل وحطيه ف إيدك وهي مسكرة وبعدين في طفاية السجاير اللي على الطاولة.. أوعي ياحبيبتي من نظام التفتفة للبذر.. إنسي....

10. ولما تخلصي أكل .. بتحطي إيدك على بطنك -اللي عصافيرها عمتزقزق من العيّنات والنماذج اللي أكلتيها-.. وتقولي له مو معقول.. أنا عمري ما انفجعت هيك.. أنا قدامي أسبوع.. ما راح آكل فيه.....

وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها.. قال يعني بتمسحي تمك..

وبعدين تستأذني منه لدخول التواليت لإصلاح ماكياجك وبتدخلي التواليت وبتطالعي من الشنطة تبعيتك.. صندويشة الفلافل اللي جايبتيها معك وبالهنا والشفااااااااااا

مع فائق الاحترام والتقديــــــــــــــر ..اا

ههههههههههههههههههه

كثير حلوة ومهضومه

خوفتنا منيح يلي اتزوجت من زمان

على هيك شروط ما راح وافق

يعني هيه حلوة الاناقة بس مو بهذه الطريقة

عجبتني كتير ومهضومه شغلة الساندوش وخاصة بفلافل

محبتي وتقديري لك

من طرف ZORBA الإثنين يناير 03, 2011 6:51 am

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
كتير هيك ... affraid

كتير مهضومين .. سلم هالملافظ ظ.ظظظظظظ pirat

من طرف **ميسون شهبا** الإثنين يناير 03, 2011 12:26 pm

حلوة كثير أخي000

لكن مو كثير هيك يعني0000

زودة الآناقة قلة أناقة أعتقد0000

مشكور للنقل خيو0000

من طرف **ابو مجد** الثلاثاء يناير 04, 2011 9:40 am

ههههههههههههههههههههههههههههههههه

مشكور حبيبي غسان ...والله بتجنن هالقصة .. وصاية هامة الى ست الحسن

بتمنى ما تنساها .. وسندويشت الفلافل ...آآآآآآآه على الفلافل .. اكيد صارت تطالع

مع جهاز العروس .... يسلمو غسان بجد كثير حلوه وضحكتني كثير

" حتى أنت يا بروتوس.."

من طرف **الامل** الثلاثاء يناير 04, 2011 4:53 pm

ليش بشرفكن في اطيب من سندويشة الفلافل وخاصة سندويشة من عند على كيفك..
كتير مهضومه ويعطيك الف عافيه.

من طرف **سحر الشرق** الأربعاء يناير 05, 2011 12:21 am

هههههههههههههههههههههههههههه

بس أنا على هالحال كل شو بدي صلّح مكياجي هههههههههه
شكرا أخي غسان

من طرف **ESSAM MAHMOUD** الخميس يناير 06, 2011 4:28 am

نصائح *** غير شكل *** أخي غسان لعلهن يتعظن

*** بس بيني وبينك إذا بعرف أنه معها سندويتشة فلافل رح اترك كل المطعم من أجلها *** أي من أجل السندويتشة

وسأجادلها بالتي هي أطعم

مهضوووووووووومة يا أخي غسان جداااااااااااا

أنستي العزيزة

أنستي العزيزة

رد: أنستي العزيزة

رد: أنستي العزيزة

رد: أنستي العزيزة

رد: أنستي العزيزة

رد: أنستي العزيزة

رد: أنستي العزيزة

رد: أنستي العزيزة

رد: أنستي العزيزة