حمصيات

حمصي إجاه ولد ، راح صام 3 ايام و شكر لله تعالى
بعد 10 ايام مات الولد
قال : عليّ الطلاق غير اخصمهم من رمضان
==========================
حمصي ماشي هو ومرتو في حرب ال67 وبلش الطخ والضرب والنار
قال لمرتو: انبطحي يا مرى .. قالتلو يبعتلك حمى مش وقتو
==========================
حمصي بتمدحو صاحبته
انت بطل أنت قوي
قالها أصلا أنا كنت شهيد في معركة حطين
==========================
حكمة الحمصي المفضلة
من السهل أن تطرد جيش استعمر وطنك
لكن من الصعب أن تطرد جحش يعرف رقمك
==========================
حمصي أبوه مات
قالو له أعطي الشيخ اللي غسله 10 ليرات
قالهم : ليش هو غاسل Bmw
==========================
حمصية بتغازل خطيبها
والله اليوم خطرت على بالي
تطلع على قبري بكعب عالي
تتفركش وتنزل بدالي
==========================
حمصي راح يخطب
قالوله المهر 10 الآلف ليرة
قال لقيت بألف وحامل
==========================
اعلنو حظر التجول في حمص
طلعو الحماصنة يشوفوا شو الموضوع
==========================
اذا كان السمك يعيش في الماء
فكم عدد ايام الاسبوع؟
حمصي محشش بدرس اخوه دين
==========================
حمصي قال للصيدلي اعطيني حقنة من اللي بتاخدها مرتي
الصيدلي قاله شو اسمها ؟
قاله الحمصي : مديحة
==========================
حمصي بيقول لصاحبه
شو ريك تاخد اجازة شهر وآخد اجازة شهر
ونسافر شهرين على فرنسا ؟؟؟
==========================
ناس قالو لحمصي: شفنا مرتك ماشية مع الكهربجي
قالهم: لا كهربجي ولا بيفهم شي بالكهربا
==========================
حمصي متخانق مع حبيبته بعتلها مسج
و قالها: انا عملت حادث ومتت
==========================
في مدرس سأل طالب حمصي
بكرى انت لماتكبر شو بدك تصير
قلو ختيار
=====================
حمصي اهدته صاحبته ببغاء
واتصلت تسأله ايش رايك بالهديه ؟؟

قالها : عادي , طعمه زي طعم الدجاج
==========================
مرة بتقول لزوجها : ليش ما بتعمل مثل جارنا
كل ما يطلع من البيت بيبوس مرته
قال لها : فكرك بتوافق مرته
==========================
حمصي دعا ربنا 15 سنة يرزقوا ولد
أخر شي اجاه وحي بالمنام بقولو
ولك اتجوز
==========================
حمصي قاعد يفكر بعمق ..... قام غرق

من طرف غسان الجمعة ديسمبر 31, 2010 9:10 pm

حمصي راح يخطب
قالوله المهر 10 الآلف ليرة
قال لقيت بألف وحامل
==========================
اعلنو حظر التجول في حمص
طلعو الحماصنة يشوفوا شو الموضوع

هههههههههههههههههه

مشكور حكيم

الله يسعد قلبك فرحتني والله

تعليقات كثير حلوة وألف شكر

الآخ الغالي طارق

يسعد صباحك بكل الحب والخير

وكلل عام ,أنت بألأف خير وانشالله كل اعوامك اعياد ومكلله بالسعادة والفرح

كتير مهضومين التعليقات وفعلاً عجبوني

بس الله يساعد الحمصيين علينا

يمكن صاروا هني بدهم يعلقوا على حالهم

قال ليش اهل حمص بناموا على السطح وقت الحرب

الرد من شان تكون اصاباتهم سطحية

مافي عندك شي جديد على بيت الباروكي

اشتقنا للتعليق عليهم شويه

محبتي لك ومع كل الحب

من طرف A.rahman الأحد يناير 02, 2011 3:56 am

تحياتي دكتور طارق وإليك بعض الحمصيات

حمصي سال رفيقو : ليش نشره الاخبار طويلة *
قال : يمكن اليوم اخر حلقة

راح شامي لعند بياع فلافل حمصي
قاللوا عاطيني 3 ساندوتشات فلافل بدون مخلل
قاللوا البياع : ما عندي مخلل ، ساويلك ياهن بدون بندورة

: في ضابط بالجيش عم يقول للمجند الحمصي
لك هي ثالث مرة هالشهر عم تطلب مني إجازة
و كل مرة بتقول أنو جدك رح يموت
قام قال له المجند الحمصي : أيه و الله يا سيدي
و أنا كمان بلشت شك أنو جدي عم يكذب

في واحد حمصي سأل أبوه *
قلوو ابي ابي : أيمت بدنا نوصل على أميركا
قلوو بابا خراس وسباح

: حمصي بسأل رفيقو *
عمرو دياب أخو محمد فؤاد
رد عليه : لا يا أهبل تشابه أسماء

واحد حمصي اتفق هو ومرته الحامل *
إذا إجالون ولد يسموه مبروك
قام وقت ولدت المره
طلعت الممرضة عبتقولو ألف ألف مبروك
قال : أوف وين بدي أروح فيون هادول كلون

مرة واحد وجعه ضرسه *
قام راح إلى طبيب حمصي
قام الدكتور خلعله كل أسنانه عدا الضرس المنخور
صعق المريض وقاله شو عملت
قاله إي خليه مثل الكلب لحاله

ليش الحمصي لما ينام يضع تحت راسه خيارة *
الجواب لأنو إذا حط بندورة بتنفعس

كان في واحد حمصي وضع يده في برميل من حمض الكبريت *
فعندما سحبها لم يجدها
فأدخل رأسه حتى يدوّرعليها

اثنين حماصنة كانوا عم يلعبوا شطرنج *
من قد ما طولت المباراة معهم مات الملك بجلطة

حمصي راح لعند رفيقه يشكيله همه *
قالو : إني ما عم اعرف غازل خطيبتي
قالو : اليوم روح معي وسماع أنا شو بقول لخطيبتي وتعلم
وتاني يوم راح هو وخطيبته عالبحر بالليل
قلها : شايفه القمر
قالت له : أيه
قالها خطيبة رفيقي أحلى منه

حماصنة سمعوا انو جاية عاصفة على حمص *
فكتبوا أول حمص
درعا ترحب بكم

في ياباني فات على بقالية بحمص *
بدو يشتري عشر علب كولا
: وقال للبياع
كوميهاني سيبه كولا
: قام رد البياع الحمصي
بدك عشر علب شو

واحد حمصي اتفق هو ومرته الحامل *
إذا إجالون ولد يسموه مبروك
قام وقت ولدت المره
طلعت الممرضة عبتقولو ألف ألف مبروك
قال : أوف وين بدي أروح فيون هادول كلون

ههههههههههههه

شكراً ألآبن الغالي على هذه الاضافة الرائعة والمهضومة

هذه عجبتني كتير وألف شكر

من طرف MIMO الأحد يناير 02, 2011 10:41 am

كثير حلوين ودمهم خفيف عجبوني كثير

لكن شو رأيكم نزيح عن ظهر الحماصنة شوية

غبي عسكري قالوله إذا مر الملك أطلق 21 طلقه . قال و إذا جبته من أول طلقه

في اثنين جالسين قال الأول للثاني كم عمرك قال 15 وبعد عشرين سنه قاله مرهثانيه كم عمرك قال 15 قال الأول قبل عشرين سنة تقول عمري 15 قال الثاني (كلمةالرجال وحده

خروف طفشان كره نفسه وقّف تاكسي قاله أقرب مسلخ يلعن ابو هلحاله

بدويه شرت عطر رجالي سألها أبوها ليه ؟؟ قالت : حرمتونا منهم و بتحرمونا منريحتهم بعد

مشكوريييييييين

من طرف **ESSAM MAHMOUD** الأحد يناير 02, 2011 3:17 pm

حمصي اتصل على برنامج تفسير الأحلام على قناة سورية الفضائية ...

- السلام عليكم يا شيخنا ... امبارح يا شيخ حلمت أني صرت بني آدم عن جد و أني صرت كتير انسان مهم و أنو صورتي صارت تنطبع على الورقة أم الألف فشو تفسيرك الله يجزيك الخير ...
********************************************
- الشيخ : يا ابني تفسير منامك كتير واضح و بسيط : رح تجيك بعد عشر دقائق سيارتين يا تلات سيارات بيجو ستايشن في كل سيارة أربع أشخاص محترمين كتير رح يلعنوا جد جدك

********************************************
مرة اثنين حماصنة ماشيين في الشارع شافو قسيس الكنيسة بعرج قالوا: خير يا قسيس
مالك ؟؟ قالهم مبارح وقعت في البانيو !

قالوا: لا والله سلامتك , وراح ... إلا الحمصي بيحكي لصاحبو شو هو البانيو ؟؟ قالو شو بعرفني شايفني مسيحي ؟؟؟
.

من طرف **ESSAM MAHMOUD** الأحد يناير 09, 2011 9:38 pm

وهذه حمصيات ساخنة كما وردتني على بريدي الإلكتروني :

مختار الحماصني قرر يثبت للشعب السوري انو الحماصنة مش جدبان..

قام عمل اجتماع وجمع فيه كل الحماصنة بحضور بقية السوريين

وقال لجماعتوا الحماصنة : راح اسألكوا سؤالين وانتبهوا للجواب,كل الشعب عم يراقبكن

السؤال الأول : مين اللي فاز بمعركة بدر ؟ المسلمين ,

ولا المشركين ؟

جاوبوه : المسلمين

انبسط وقال لهم : شايفين انكم أهل حمص مالن جدبان....

السؤال الثاني : مين فاز بمباراة امبارح ؟ البرازيل أو الأرجنتين ؟

جاوبوه : البرازيل

انبسط كتير لإنهم طلعوا فهمانين, وما سوَّدوله وجهه امام بقية السوريين
فلما قام بدو يروح .. وقف واحد من الحماصنة وقال :

' يعني هلأ البرازيل والمسلمين راح يلعبوا على النهائي ؟؟؟'

حمصيات

حمصيات

رد: حمصيات

رد: حمصيات

رد: حمصيات

رد: حمصيات

رد: حمصيات

رد: حمصيات

رد: حمصيات