بابا ليش ما منسافر

من طرف **لمـــى** الأربعاء يونيو 02, 2010 3:45 pm

في احدى السهرات العائلية لاسرة فقيرة الحال كانت تتابع مسلسل خليجي
سألت البنت والدها
بابا نحنا ليش ما منسافر
الاب ليش يا بابا هاد السؤال
البنت هيك ...لانو بلاد برا احلى من بلدنا
الاب غلطانة يا بابا بلدنا احلى بكثير
سكتت البنت بغصة
الاب شو بدك يا بابا شو ناقصك قليلي
البنت لا بس ليك بالتلفزيون يا بابا الولاد راحوا عالمطعم واشتروا ماكدونالز
ونحنا ما منعرف شو يعني الماكدونالز
الاب بسيطة يا بابا بكرة بس يفتح محل ماكدونالز بحارتنا وحياتك لطعميكي احلى ماكدونالز
البنت طيب يا بابا ليش ما منسافر
الاب وليش يا بابا السفر ما دامني لقيتلك حل للماكدونالز
البنت يا بابا ليك كيف كلن عندن سيارات ونحنا ما عنا حمار
الاب السيارة يا بابا بتكلف كثير هنن بتشوفيهن معن سيارات لانها رخيصة بس هنن فقرا يا بابا
البنت طيب يا بابا ونحنا فقرا بس ليش ما عنا سيارة
الاب بسيطة يا بابا بكرة بس ترخص السيارات رح اشتري وحدة وبأربع دواليب كمان
سكتت البنت قليلا وعادت للسؤال
بابا ليش نحنا ما منسافر
الاب خير ان شاء الله كمان ليش بدك نسافر
ما بعرف بس احسن السفر
لا يا بنتي لما الناس بتسافر وبتتغرب بتشتكي من التعب والشوق للاهل
ونحنا كمان يا بابا تعبانين ومشتاقين لاهلنا انت بتعرفي صار النا اكثر من سنة ما زرنا
جدك وستك وما فتنا على بيت عمك
وكمان يا بابا اللي بسافر كثير بيتقشف على حالو لحتى يضب قرشين
ونحنا يا بابا متقشفين دايما يعني ما في فرق
واللي بيسافر يا بابا بينحرم من اشياء كثيرة
ونحنا يا بابا من يوم وعينا على الدنيا محرومين منها
اللي بيسافر يا بابا بيستأجر غرفة وصالة ليوفر
ونحنا يا بابا بيتنا كله غرفه وصاله
واللي بيسافر يابابا بيصير يشكي هموم الغربة
ونحنا يا بابا عم نشكي نفس الهم
واللي بيسافر يا بابا بيتعب كثير ليضب فلوسه ويرجع لوطنه يشتريلو شقة على قدو بعد 25 سنة
هذا اذا قدر يشتري
البنت هاها شفت يا بابا انو السفر مفيد بالاقل يا بابا بيقدر يشتري بيت
الاب طيب يا بابا ما نحنا بعد 30 سنة منستلم شقتنا بالجمعية
مو محرزة يا بابا نتغرب ونعاني منشان خمس سنين
البنت طيب يا بابا نحنا ليش ما خلقنا وعنا بيت وسيارة
الاب لان يا بابا جدك ما عندو كان شي يعطينا ياه
البنت وليش جدي ما عندو شي يا بابا
الاب لانو معثر يا بابا الله هيك خلقه
البنت يعني جدا لاناديا رفيقتي ما كان معثر لانو ابوها لناديا عندو شقتين وحدة مأجرا ووحدة قاعد فيها
الاب لا يا بابا جدا لناديا كان معثر وانا بعرفه هوي صديق لجدك من زمان
البنت لكن كيف هيك يا بابا عندن بيت
الاب لان يا بنتي ابوها لناديا الله رزقه وصار بالشرطة وعنا يا بابا هذه نعمة وبدا واسطة
البنت شو يعني واسطة يا بابا
الاب يا بنتي بكرة لما بتكبري بتعرفي والحياة بتعلمك ياها واحفظيها مليح لانك رح تحتاجيها
ويمكن يدخلوها بالمنهاج الجديد هيي والرشوة احفظيهن يا بنتي رح تعوزيهن بس تكبري
البنت حاضر يا بابا
بس يعني انت هلق عم تفهمني انو نحنا مش محتاجين السفر
الاب لا يا بابا ما في حاجة الو
ومكلف يا بابا بطاقات الطيارة والتاشيرة كلو حقو فلوس
البنت بتعرف يا بابا انك انت احلى بابا بالدنيا وانك قوي كثير
الاب اي الحمدالله خبريني ليش
البنت لانك يا بابا كل يوم بتروح الصبح على الشغل وما بترجع ليصير ليل
وبتضل تشتغل وانا بلعب شوي وبتعب وبتقلي ماما ريحي شوي تعبتي
شفت يا بابا انت شو قوي
الاب اي يا بنتي كلامك صحيح انا قوي كل يوم بروح على الشغل وبحمل اغراض ثقيلة كثير
بس يا بابا كمان انا بتعب ولما ارجع عالبيت بيكون ظهري عم يوجعني والله يرضى على امك
بتعملي تدليك لظهري وبتشربني شي سخن لارتاح

البنت ان شاء الله يا بابا تكون هلق مرتاح
الله يرحمك يا بابا اليوم تذكرت حديثنا لما رحت لقدم على وظيفة وقالولي ما عنا شاغر
يا بابا انت خبرتني عن الواسطة والرشوة وانا تعلمتهن كويس
بس ما قلتلي لعند مين ولاي اختصاص اتوجه
اخ يا بابا طلعت الوسايط اختصاصات الله يسامحك ما خبرتني
وحتى الرشوة يا بابا ما تركتلي شي ارشي فيه
الله يرحمك يا بابا شو كنت قوي
وشو كنت تتحمل

الأخت لمى مساء الخير .....

شكراً لك على هذه القصة .............أختي الكريمة لا توجد سعادة كاملة في هذه الدنيا......... وآه كم هذه الدنيا غريبة....

تقبلي مروري.....

مع فائق تقديري واحترامي....

أبــو نــدى....

يرحمك يا بابا اليوم تذكرت حديثنا لما رحت لقدم على وظيفة وقالولي ما عنا شاغر
يا بابا انت خبرتني عن الواسطة والرشوة وانا تعلمتهن كويس
بس ما قلتلي لعند مين ولاي اختصاص اتوجه
اخ يا بابا طلعت الوسايط اختصاصات الله يسامحك ما خبرتني
وحتى الرشوة يا بابا ما تركتلي شي ارشي فيه
الله يرحمك يا بابا شو كنت قوي
وشو كنت تتحمل.

معها الحق تعتب على البابا

كان لازم فهمها الحياة اكثر

بس صغيره وما كانت بتدرك كل شيئ

فعلأً مافي شيئ بالحياة كامل

ويمكن هيه سعيده اكتر من كتير اطفال

معهم مصاري يسافروا ويتفسحوا بس هيه حياتها اهدا

كم هي منغصه هذه الدنيا

الف شكر للغالية لجمال الاختيار

من طرف **ESSAM MAHMOUD** الخميس يونيو 03, 2010 5:20 am

خلاصـــــــــــــــة القول أنها لم تسافر ورضت بالإستكانة للظروف المحيطة بها

فلا تعلمت التعايش في بلدها ولا هي غامرت بالخروج مما هي عليه

شأنها كشأن العديد من المسرحيات التي تمارس على خشبة مسرح الحياة

بوركت ابنتي العزيزة على هذا الإختيار

من طرف **لمـــى** الخميس يونيو 03, 2010 9:34 pm

الأخ بشار اهلا بك

الدنيا ليست غريبة..........ولكنهم البشر هم الغريبون...........طريقة تفكيرهم هي الغريبة.........اساليب حياتهم هي الغريبة..........عشق الانسان للمادة هو الغريب............محاولته للحصول عليها من فم اخيه الانسان هو الغريب.......عدم الاكتراث بعامة الشعب هو الغريب....والكلام يطول...اما ان نقول الدنيا غريبة ونضع اللوم عليها...فهذا ليس بعادل......فالحياة عطاء....والله خلق الطبيعة وبدأ بها عطاء........وما زال .....ولكن البشر بحق بعضهم ماذا يفعلون؟وماذا يعطون؟

من طرف **محمود زهرة** الجمعة يونيو 04, 2010 10:22 pm

بس بضل السفر احسن من الجلوس في الوطن وندب الحظ ع الطالعة والنازلة

من طرف **لمـــى** السبت يونيو 05, 2010 3:54 pm

ست خلود أشكرك على المرور والتعقيب
حياتها هادئة نعم ولكن ما حولها يجعلها منغصة....ولا يترك لها شيئا من هدوء نفسها
فما نفع ذلك ...حين لم تجد نفسها...بأقل القليل من حقوقها....

أشكرك غاليتي على كلماتك
تحياتي لك

من طرف **لمـــى** السبت يونيو 05, 2010 3:58 pm

هلا دكتور عصام

على أمل أن يفتح مطعم الماكدونالز.......ويشتري أباها سيارة لهم...
وعلى أمل وأمل وأمل....رحل الأب قبل تحقيق تلك الأمنيات
وعلى قول بلادنا أجمل فيها الجبل والشجر والنهر
بقيت تحلم وما زالت
أشكر مرورك العبق
تحياتي

من طرف **لمـــى** السبت يونيو 05, 2010 4:00 pm

دكتور محمود اهلا بك

ونحن فيها ........لا نستطيع أن ننكر ذلك.

تحياتي لك.

بابا ليش ما منسافر

بابا ليش ما منسافر

رد: بابا ليش ما منسافر

رد: بابا ليش ما منسافر

رد: بابا ليش ما منسافر

رد: بابا ليش ما منسافر

رد: بابا ليش ما منسافر

رد: بابا ليش ما منسافر

رد: بابا ليش ما منسافر

رد: بابا ليش ما منسافر