الرئيسية
البوابة
أحدث الصور
التسجيل
دخولمواضيع مماثلة
بتتذكروا......
+2
د: طارق نايف الحجار
خلود هايل حمزة
6 مشترك
صفحة 1 من اصل 1
بتتذكروا......
من طرف خلود هايل حمزة الخميس مايو 21, 2009 3:43 am
بتتذكروا ،،،،
بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع.
بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر..
بتتذكروا.. المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.
بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله
وبعدين نحطو بطاسة مي أو بالمغسلة وناكلو عم يشرشر.
بتتذكروا.. يوم الجمعة ... نقوم من الصبح مشان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .
بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.
بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.
بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.
بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..
بتتذكروا.. عزايم قبل والسفرة ومفرش الطاولة اللي عليه صورة (فواكه) وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.
بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!
بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ولازم طبعاً يمر على أولاد الحارة ويطلعوا معو شي خمسين واحد
بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...
يقول لك: مو رصيفكن هادا رصيف الحكومة
كلام منطقي, ويتم يمرق قدام البيت ويقول لك مادخلك.
بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.
بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن.
بتتذكروا...لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت.
واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام
أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..
أول ما يفتح التلفزيون بتلاقيه يتفرج ع هيفا ونانسي وروبي
وعلى أيامنا قصص عالمية وسهرة صباحية ع الشدة كل ليلة خميس
وأم عمار ببرنامج ما يطلبه الجمهور
وعصمت رشيد يغني بين الشوطين
ويوم الجمعة سيران والله أيام
للأسف صار الجيل الجديد بلا هوية
بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع.
بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر..
بتتذكروا.. المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.
بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله
وبعدين نحطو بطاسة مي أو بالمغسلة وناكلو عم يشرشر.
بتتذكروا.. يوم الجمعة ... نقوم من الصبح مشان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .
بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.
بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.
بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.
بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..
بتتذكروا.. عزايم قبل والسفرة ومفرش الطاولة اللي عليه صورة (فواكه) وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.
بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!
بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ولازم طبعاً يمر على أولاد الحارة ويطلعوا معو شي خمسين واحد
بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...
يقول لك: مو رصيفكن هادا رصيف الحكومة
كلام منطقي, ويتم يمرق قدام البيت ويقول لك مادخلك.
بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.
بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن.
بتتذكروا...لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت.
واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام
أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..
أول ما يفتح التلفزيون بتلاقيه يتفرج ع هيفا ونانسي وروبي
وعلى أيامنا قصص عالمية وسهرة صباحية ع الشدة كل ليلة خميس
وأم عمار ببرنامج ما يطلبه الجمهور
وعصمت رشيد يغني بين الشوطين
ويوم الجمعة سيران والله أيام
للأسف صار الجيل الجديد بلا هوية
عدل سابقا من قبل سيدرا في الجمعة مايو 22, 2009 4:35 am عدل 1 مرات (السبب : تعديل الخطوط)
خلود هايل حمزة- عضو مجلس ادارة
-
عدد المساهمات : 2366
تاريخ التسجيل : 19/05/2009
العمر : 68
الموقع : فنزويلا -
رد: بتتذكروا......
من طرف د: طارق نايف الحجار الخميس مايو 21, 2009 4:07 am
مساء الخير أم شادي
جميلة تلك الذكريات و الأجمل تلك الأيام ببساطتها ..رغم صعوبتها ..رجعتينا لأيام الطفولة
و الحارة... و البيدر و لعب الفطبول و أحياناً الكرة من الخرق ... وهذا كله لأولاد الجيل كلام طلاسم ...ما في طفولة بسيطة و بريئة ..كلها مركبة تركيب ..و الله يكون بعونهم.
تقبلي مروري مع أطيب الأمنيات
جميلة تلك الذكريات و الأجمل تلك الأيام ببساطتها ..رغم صعوبتها ..رجعتينا لأيام الطفولة
و الحارة... و البيدر و لعب الفطبول و أحياناً الكرة من الخرق ... وهذا كله لأولاد الجيل كلام طلاسم ...ما في طفولة بسيطة و بريئة ..كلها مركبة تركيب ..و الله يكون بعونهم.
تقبلي مروري مع أطيب الأمنيات
د: طارق نايف الحجار- حكيم المنتدى
- عدد المساهمات : 511
تاريخ التسجيل : 08/05/2009
رد: بتتذكروا......
من طرف خلود هايل حمزة الجمعة مايو 22, 2009 4:17 am
د: طارق نايف الحجار كتب:مساء الخير أم شادي
جميلة تلك الذكريات و الأجمل تلك الأيام ببساطتها ..رغم صعوبتها ..رجعتينا لأيام الطفولة
و الحارة... و البيدر و لعب الفطبول و أحياناً الكرة من الخرق ... وهذا كله لأولاد الجيل كلام طلاسم ...ما في طفولة بسيطة و بريئة ..كلها مركبة تركيب ..و الله يكون بعونهم.
تقبلي مروري مع أطيب الأمنيات
فعلاً أيها الغالي.... كم لنا من ذكريات طفولية او في أيام الشباب
جميلة تلك الآيام... ورائعة كل تلك الالعاب التي لعبناها بسعادة
والت لها طعمة لا تغيب من الروح
الكرة من الخرف.. واللعبة من الخرق
ولكن من تعبنا وعملنا واختراعنا
كنا نحس طعم كل شيء وجماله
شو بنا نتذكر لانتذكر يا اخي
فعلاً أولادنا لايملكون جمال هذه المتعة ولايعرفونها
تحياتي وحبي لك
اسعدني تواجدك وتعقيبك وياهلا
جميلة تلك الآيام... ورائعة كل تلك الالعاب التي لعبناها بسعادة
والت لها طعمة لا تغيب من الروح
الكرة من الخرف.. واللعبة من الخرق
ولكن من تعبنا وعملنا واختراعنا
كنا نحس طعم كل شيء وجماله
شو بنا نتذكر لانتذكر يا اخي
فعلاً أولادنا لايملكون جمال هذه المتعة ولايعرفونها
تحياتي وحبي لك
اسعدني تواجدك وتعقيبك وياهلا
خلود هايل حمزة- عضو مجلس ادارة
-
عدد المساهمات : 2366
تاريخ التسجيل : 19/05/2009
العمر : 68
الموقع : فنزويلا -
رد: بتتذكروا......
من طرف إيمان الحجار الجمعة مايو 22, 2009 4:51 am
مسا الخير مدام خلود
الحقيقة وجودك بأي منتدى بيعطيه نكهة خاصة
مسا الخير اخي طارق
وجودك بالمنتدى ونسني كتير وشجعني للاشتراك فيه
وهي الفقرة كتير بحب اني مر عليها وحط تعليقي
لأنو كتير بيشغل بالي الواقع اللي عايشينو اولادنا
((انا بعدني بتذكر ايام الثلج ونحنا زغار
كنا نحط صينية الكاسات ونقعد نتزحلط عليها
كنا نلعب بالتراب وما نرجع عالبيت غير لما ننعس
كنانروح نقرا للامتحان الأخير على البيدر بين العشب والأزهار اللي مفتحة عن جديد
النا ذكريات حلوة كتير بالبلد ومع الناس اللي تربينا نحنا وهني وعشنا بظروف متشابهة .....وكتييييييير عنا ذكريات))
بس اولادنا شو رح تكون ذكرياتهن ؟؟؟؟
انا ابني بعدو ما بيحكي بس يفيق وبعدو مغمض عيونو بيقلي (توب توب )يعني لاب توب واحلى لعبة ممكن يلعب فيها هي شاحن الموبايل واي شي بيخص الكهربا
هذا ابن السنة ونص هيك بس يصير ابن ست سنين بيصير بدو روبوت زغير مشان يلعب معو.
بس لما يكبر ما رح يكون عندو مخزون من الذكريات اللي بتثلج الصدر(( رغم انها كانت احيانا مرة وقاسية كتير حتى يتحملها اطفال بالسن اللي كنا فيه))
هلق رجعتلي كتير منها بس ما رح طول عليكن وخصوصا انها اول مشاركة الي بالموقع
بتمنى تقبلوني صديقة جديدة الكن بهالمنتدى القيم
وشكرا اخت خلود عالموضوع الهام اللي طرحتيه وتقبلي
مروري
مع التحية
ام نجم
الحقيقة وجودك بأي منتدى بيعطيه نكهة خاصة
مسا الخير اخي طارق
وجودك بالمنتدى ونسني كتير وشجعني للاشتراك فيه
وهي الفقرة كتير بحب اني مر عليها وحط تعليقي
لأنو كتير بيشغل بالي الواقع اللي عايشينو اولادنا
((انا بعدني بتذكر ايام الثلج ونحنا زغار
كنا نحط صينية الكاسات ونقعد نتزحلط عليها
كنا نلعب بالتراب وما نرجع عالبيت غير لما ننعس
كنانروح نقرا للامتحان الأخير على البيدر بين العشب والأزهار اللي مفتحة عن جديد
النا ذكريات حلوة كتير بالبلد ومع الناس اللي تربينا نحنا وهني وعشنا بظروف متشابهة .....وكتييييييير عنا ذكريات))
بس اولادنا شو رح تكون ذكرياتهن ؟؟؟؟
انا ابني بعدو ما بيحكي بس يفيق وبعدو مغمض عيونو بيقلي (توب توب )يعني لاب توب واحلى لعبة ممكن يلعب فيها هي شاحن الموبايل واي شي بيخص الكهربا
هذا ابن السنة ونص هيك بس يصير ابن ست سنين بيصير بدو روبوت زغير مشان يلعب معو.
بس لما يكبر ما رح يكون عندو مخزون من الذكريات اللي بتثلج الصدر(( رغم انها كانت احيانا مرة وقاسية كتير حتى يتحملها اطفال بالسن اللي كنا فيه))
هلق رجعتلي كتير منها بس ما رح طول عليكن وخصوصا انها اول مشاركة الي بالموقع
بتمنى تقبلوني صديقة جديدة الكن بهالمنتدى القيم
وشكرا اخت خلود عالموضوع الهام اللي طرحتيه وتقبلي
مروري
مع التحية
ام نجم
إيمان الحجار- عدد المساهمات : 22
تاريخ التسجيل : 22/05/2009
رد: بتتذكروا......
من طرف مأمون فراشي الجمعة مايو 22, 2009 5:38 am
بتتذكروا.. المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك ...........طبعا تذكر ام شادي
أختي الكريمه ام شادي
ما أجمل كلامك وما اجمل ما تكتبين وهذا ليس بغريب عنك وانتي الكاتبه الكبيره وصاحبة أجمل حضور
فرحت جدا بوجودك في هذا المنتدى فأنا من المتابعين لكتاباتك بشغف بكل المنتديات التي رايت اسمك بها ولا كن احيانا لم يحالفني الحظ بالمشاركه على ما يخطه قلمك واحيانا اضع مشاركتي تعبيرا عن فرحتي واعجابي بما أقراء
واليوم أختنا الكريمه أم شادي تذكريننا بما مر علينا حرفيا
صحيح كنا نفعل هذه الاشياء واكثر وكلنا ابناء قرى ومررنا بما ذكرتي
وفي احدى المنتديات كان السؤال ماهي اجمل فترات حياتك التي عشتها وكانت الاجابه الطفوله من جميع المشتركين بدون استثناء وكل من جاوب كان من قرى جبلنا الاشم
تحياتي لكي ام شادي
تكتبين بما يمليه عليكي ضميرك وما يبوح من عطر قلمك فانت الصديقه الصدوقه واختنا المحترمه
تقبلي مروري
ما أجمل كلامك وما اجمل ما تكتبين وهذا ليس بغريب عنك وانتي الكاتبه الكبيره وصاحبة أجمل حضور
فرحت جدا بوجودك في هذا المنتدى فأنا من المتابعين لكتاباتك بشغف بكل المنتديات التي رايت اسمك بها ولا كن احيانا لم يحالفني الحظ بالمشاركه على ما يخطه قلمك واحيانا اضع مشاركتي تعبيرا عن فرحتي واعجابي بما أقراء
واليوم أختنا الكريمه أم شادي تذكريننا بما مر علينا حرفيا
صحيح كنا نفعل هذه الاشياء واكثر وكلنا ابناء قرى ومررنا بما ذكرتي
وفي احدى المنتديات كان السؤال ماهي اجمل فترات حياتك التي عشتها وكانت الاجابه الطفوله من جميع المشتركين بدون استثناء وكل من جاوب كان من قرى جبلنا الاشم
تحياتي لكي ام شادي
تكتبين بما يمليه عليكي ضميرك وما يبوح من عطر قلمك فانت الصديقه الصدوقه واختنا المحترمه
تقبلي مروري
مأمون فراشي- عضو مجلس ادارة
- عدد المساهمات : 421
تاريخ التسجيل : 21/05/2009
رد: بتتذكروا......
من طرف لمـــى الخميس يونيو 11, 2009 4:05 pm
بالرغم انو انذكر انها ايام حلوة وممكن يكون فيها صعوبة بتضل اهون من هالذكريات اقروا واعطوني جواب
بيروت 1982 -2008
بتتذكروا لما كان مقطوع الخبز وكان لما يقرر الفرن يعملو عجنة تموت العالم دعوسة تحت الارجل
ولما كان غير مسموح للشخص الا بربطة خبز وحدة وصاحب العيلة يضطر يروح وياخد معو ولد او ولدين من ولادو وهوي شبه متأكد انو بيجوز ما يرجعوا الا محملين على ايديه بدل الخبزات
بتتذكروا لما كانت النسوان تركض على خزان المي لتعبي قنينة صحة وهيي عبارة عن لتر مي
بتتذكروا لما كنا نبل الخبز ليتشتش بعد ما كنا نخزنوا لايام العوز
بتتذكروا لما كان ما في كهربا وكنا نتقتل بالدكاكين لنلاقي شمع اذا اصلا فتحت الدكاكين
بتتذكروا وفي حال اجت الكهربا ما نسترجي نضوي الضو منشان ما تقصفنا الطيارات والصواريخ
بتتذكروا لما كان ممنوع علينا ننزل على الشارع ونلعب لان القناصين موزعين متل النمل مخبايين بمتاريسن
بتتذكروا لما كنا نتفرج بالليل على القنابل هيي رايحة وجايي ونضحك مفكرينها فرقيع العيد
بتتذكروا لما يقولولنا وطوا صوتكن وما تضحكوا منشان ما يسمعونا يلي عم يتحاموا بالروسيات وال m16 والرشاش
يلي حامل رصاص قد شعر راسنا
بتتذكروا لما كانت تجي طيارة يقولولنا اهلنا يالله على الملجأ في غارة
وكانت الطيارة بالنسبة النا هيي زمور الانذار
بتتذكروا لما صارت الحرب وقعدنا نلف سندويشات بمكدوس لكل اهالي الحي ونبعتها مع تفاحة والعالم عنا بالبيت وبمدخل بنايتنا
بتتذكروا لما حملوا شبابنا سيارة جارنا من مدخل البناية ليحتموا الناس بدل الحديد
بتتذكروا لما كنا نصرخ ونقول عطشانين جعانين
بتتذكروا لما نقول ليش ما عنا عيد وتياب جداد
بتتذكروا لما قطعوا المعاشات 9 شهور وصار رب البيت يزرع فول وذرة وفجل ونعنع وبقدونس وكل شي بيقدر عليه حتى ما يعوز ولادو ولا يحرمهن بتتذكروا لما كان الرصاص فوق راسو وهوي حامل المنكوش
بتتذكروا ياما ولاد وبنات ماتوا من الرعب او من شي مرض وما قدروا يوصلوا لطبيب يعالج الحالة
بتتذكروا الرصاص
بتتذكروا الدم
بتتذكروا الجثث المعفنة وريحة الموت
بتتذكروا الحواجز يلي كانت تذبح على الهوية بالسيف يقطعوا رقاب
هاي الذكريات يلي ما بتنسى بعمرا وما ممكن تروح من الذاكرة
يا ريت كان في تنكة وسوبرمان وبسكوت وشيبس وشارع وحارة ينلعب فيهن
كان في متاريس كياس رمل وتلال من الرمل وفراغات رصاص وقذائف
واصوات رعد تضرب البنايات وتهد بيوت على راس الناس
ست خلود كل مين فينا الو ذكريات للطفولة
انت كتبتي ذكرياتك وانا كتبت بعض من ذكريات منحوتة بالقلب وعاملة غصة مش فرحة
الله يرحمك يا بابا ويخليكي يا ماما شو تحملتوا مع 8 ولاد كنتوا تقولوا هلق مين رح نفقد فيهن وكل شوي تبوسونا بفكركن عم تودعونا
ويلي ما عوزتونا لحدا رغم كل ظروف حياتكن ومرار الحرب
حبنا للبنان لان دفعنا ثمنو دم اهلنا واخوتنا شجراتو نبتوا ويلي رواها دموع ام ودم شب وطفل بكيان وكل ما كان الثمن اكبر كل ما كان الحب اكبر
واليوم بيجي واحد فهمان يقول اهل لبنان ما بهمن شي وعندن الدنيا بقشرة بصلة بيحبوا الكيف والضحك بس وين كان لما نشفت دموعنا خوف وألم وصرنا نضحك من كتر ما بكينا
سامحوني بس هاي هيي ذكرياتي
مين بيذكرها غيري ويلي متلي؟؟؟؟؟؟؟؟؟؟؟؟؟؟؟
بتتذكرواااااا
بيروت 1982 -2008
بتتذكروا لما كان مقطوع الخبز وكان لما يقرر الفرن يعملو عجنة تموت العالم دعوسة تحت الارجل
ولما كان غير مسموح للشخص الا بربطة خبز وحدة وصاحب العيلة يضطر يروح وياخد معو ولد او ولدين من ولادو وهوي شبه متأكد انو بيجوز ما يرجعوا الا محملين على ايديه بدل الخبزات
بتتذكروا لما كانت النسوان تركض على خزان المي لتعبي قنينة صحة وهيي عبارة عن لتر مي
بتتذكروا لما كنا نبل الخبز ليتشتش بعد ما كنا نخزنوا لايام العوز
بتتذكروا لما كان ما في كهربا وكنا نتقتل بالدكاكين لنلاقي شمع اذا اصلا فتحت الدكاكين
بتتذكروا وفي حال اجت الكهربا ما نسترجي نضوي الضو منشان ما تقصفنا الطيارات والصواريخ
بتتذكروا لما كان ممنوع علينا ننزل على الشارع ونلعب لان القناصين موزعين متل النمل مخبايين بمتاريسن
بتتذكروا لما كنا نتفرج بالليل على القنابل هيي رايحة وجايي ونضحك مفكرينها فرقيع العيد
بتتذكروا لما يقولولنا وطوا صوتكن وما تضحكوا منشان ما يسمعونا يلي عم يتحاموا بالروسيات وال m16 والرشاش
يلي حامل رصاص قد شعر راسنا
بتتذكروا لما كانت تجي طيارة يقولولنا اهلنا يالله على الملجأ في غارة
وكانت الطيارة بالنسبة النا هيي زمور الانذار
بتتذكروا لما صارت الحرب وقعدنا نلف سندويشات بمكدوس لكل اهالي الحي ونبعتها مع تفاحة والعالم عنا بالبيت وبمدخل بنايتنا
بتتذكروا لما حملوا شبابنا سيارة جارنا من مدخل البناية ليحتموا الناس بدل الحديد
بتتذكروا لما كنا نصرخ ونقول عطشانين جعانين
بتتذكروا لما نقول ليش ما عنا عيد وتياب جداد
بتتذكروا لما قطعوا المعاشات 9 شهور وصار رب البيت يزرع فول وذرة وفجل ونعنع وبقدونس وكل شي بيقدر عليه حتى ما يعوز ولادو ولا يحرمهن بتتذكروا لما كان الرصاص فوق راسو وهوي حامل المنكوش
بتتذكروا ياما ولاد وبنات ماتوا من الرعب او من شي مرض وما قدروا يوصلوا لطبيب يعالج الحالة
بتتذكروا الرصاص
بتتذكروا الدم
بتتذكروا الجثث المعفنة وريحة الموت
بتتذكروا الحواجز يلي كانت تذبح على الهوية بالسيف يقطعوا رقاب
هاي الذكريات يلي ما بتنسى بعمرا وما ممكن تروح من الذاكرة
يا ريت كان في تنكة وسوبرمان وبسكوت وشيبس وشارع وحارة ينلعب فيهن
كان في متاريس كياس رمل وتلال من الرمل وفراغات رصاص وقذائف
واصوات رعد تضرب البنايات وتهد بيوت على راس الناس
ست خلود كل مين فينا الو ذكريات للطفولة
انت كتبتي ذكرياتك وانا كتبت بعض من ذكريات منحوتة بالقلب وعاملة غصة مش فرحة
الله يرحمك يا بابا ويخليكي يا ماما شو تحملتوا مع 8 ولاد كنتوا تقولوا هلق مين رح نفقد فيهن وكل شوي تبوسونا بفكركن عم تودعونا
ويلي ما عوزتونا لحدا رغم كل ظروف حياتكن ومرار الحرب
حبنا للبنان لان دفعنا ثمنو دم اهلنا واخوتنا شجراتو نبتوا ويلي رواها دموع ام ودم شب وطفل بكيان وكل ما كان الثمن اكبر كل ما كان الحب اكبر
واليوم بيجي واحد فهمان يقول اهل لبنان ما بهمن شي وعندن الدنيا بقشرة بصلة بيحبوا الكيف والضحك بس وين كان لما نشفت دموعنا خوف وألم وصرنا نضحك من كتر ما بكينا
سامحوني بس هاي هيي ذكرياتي
مين بيذكرها غيري ويلي متلي؟؟؟؟؟؟؟؟؟؟؟؟؟؟؟
بتتذكرواااااا
لمـــى- بســمة المنتـــديات
- عدد المساهمات : 1107
تاريخ التسجيل : 25/05/2009
العمر : 43
الموقع : الســـعودية اليوم وغدا لا أدري أين -
رد: بتتذكروا......
من طرف فيصل خليفه الخميس يونيو 11, 2009 4:58 pm
الأخت خلود :
بالرغم من كل هذه الذكريات الرائعة إلا أني عرفت الأن أن طفولتك كانت مدللة
أين الحصيده ........... و السروات و البيدر
شو سيارة هذه ..............
وين سيارات الشريط و اللعب بالدواليب ...........
و ين الروحه على السليقه و العكوب ........
و البحث عن الفطر
وين أيام مقارضة الحليب بين نسوان الحارة؟
سامحك الله نحن لا نستطيع أن ننسى ............
شكراً أم شادي
بالرغم من كل هذه الذكريات الرائعة إلا أني عرفت الأن أن طفولتك كانت مدللة
أين الحصيده ........... و السروات و البيدر
شو سيارة هذه ..............
وين سيارات الشريط و اللعب بالدواليب ...........
و ين الروحه على السليقه و العكوب ........
و البحث عن الفطر
وين أيام مقارضة الحليب بين نسوان الحارة؟
سامحك الله نحن لا نستطيع أن ننسى ............
شكراً أم شادي
فيصل خليفه- عضو مجلس ادارة
- عدد المساهمات : 247
تاريخ التسجيل : 08/05/2009
العمر : 57
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى