أمي بتسلم عليكم

تحياتي الك اخ ابو المجد يعني رجعتني لكلام امي الله يرحمها عن الصبحيات والعشره الطيبه ولقمه الهنيه لي اغلب الجيران لمى يشمو ريحه من شي اكله بيقولو هي من عند فلانه معروفه بهل الاكله يله هلق بتبعتلنا صحن وقت بيجي ابن جيرانا وبصير بجاكره بقله عنا ومابدي اعطيك هههههههههههههههه
جد ايام للاسف ماعاد موجوده البساطه صارت مفقوده تشعبت العلاقات وصارت الدنيا صعبه كثير جد كثير الموضوع حلو مشكور وتحياتي الك

بدبي.. في بالشقة الي بحدينا بنات بريطانيات (بيجننو) بشوفهن أحيانا وانا رايح عالشغل الصبح (اذا طلعت بكير)...
بتمنى شي يوم يقلولي عندك بندورة.. بزرعلهن ببيتنا بندورة.. حتى اني عطول بخلي عندي بندورة.. ومجهز حالي.. بس مين يقلن الجار للجار..!!؟

ياااااااه لهذا الموضوع الذي لم يخطر على بالنا رغم أنه مزروع في ذاكرتنا
الله يعطيك العاقية


على السيرة أمي بتسلم عليك وبتقولك عندك (كنتاكي) شي فخذين لبكرا بس

صباحكم فل وياسمين وعنبر ورياحين

الحمدالله يا ربي على هالنعمة ما عرفت هالموضوع لافقدو واشعر انو في شي تغير
طول عمرنا ببيروت ماطلبنا من حدا ولا حدا طلب منا لا بندورة ولا خبز ولا شي ابدا ولما فرضا ينقصنا شي منروح منشتريه او منطنش وما منكمل طبختنا منغيرها يعني المهم لما سكنت بجرمانا بعد ما تزوجت الله بعتلي جارة عوفتني السلطة ههههه
وما ضل عندي شي عيرها ياه طبعا الموضوع مش بصل وبندورة لان كبر اكتر من هيك ويا ريتا طلبت بصل وبندورة كل جبتلها 5 كياس ههههه
وصار بنبريش الماء وطشت حمام الاولاد والسيبة هههه السلم يعني المهم صرت كل ما بدي استخدم غرض من غراضي روح قلها عيريني هالغرض ههههههه والاحلى لما ما لاقيها وتكون عم تتمشى قال واضطر حمم الصغار تحت الدوش يا حرام او اشطف البرندة بسطل رايح سطل جايي وهاتي يا ركاض ههه او اذا اجا على بالي اسنتاول شي شغلة من التتخيتة السقيفة يعني الله الوكيل اعمل طرزان هههههه


فيا ابا المجد في ناس امهن بتسلم عليك وفي ناس امهن بتعوفك السلطة والنبريش وبانيو الصغار هههههههه موضوعك حلووووو مشكووووور عليه