نق نق نق

من طرف **سالي** الثلاثاء يناير 19, 2010 6:09 am

مقال كتير حلو

بالفرح بالزعل....منق
وقت بنكره ولما منحب ....منق
لما منكون فاضيين أو حتى مشغولين....منق
صبح ومسا وكل شي عنا بينتسى إلا النق
بالجد وبالمزح..... منق

::: حكاية نق :::

في سنة البكالوريا: إيمتى بدي خلص وفوت ع الجامعة بقا (( وبيضل بينق وينق وبينسى يدرس......))

في السنة الأولى للجامعة: أووف شو عم حن لأيام المدرسة...إيمتى بدي أتخرج يالله هف لسه كم سنة هفف

بعد التخرج : ييي شو مشتاق لرفقاتي بالجامعة وكيف كنا....هفف يا ريتنا ما تخرجنا ضاق خلقي من النوم للضهر والطلعات والفرجة ع التلفزيون بدي اشتغل واستقر

بعد الشغل : تضرب هالحياة من البيت للشغل وبعدين بتحكيلك كم تلفون وبتحط راسك وبتنام لتفيق ع الشغل....شو هالعيشة هفف والله شي بملل...حياة بتقصر العمر

خطب بنت بحبها:هفف إيمتى بدنا نتزوج ونكون مع بعض ...

أتجوزوا:هفف من هالروتين والله شي بملل شو رأيك نجيب ولد

صار الشب أبو العيال: لك شو هالبلوة بدي ضل عم زق غراض ...هفف ع هالعيشة يرحم أيام كنا راسين....

::: أعزائي الأعضاء كنتم مع مسلسل هفف من بطولة نقاق سوري :::

::: جاي على بالي نق :::
صار النق في حياتنا حالة طبيعية اعتيادية وعفوية....فمن دون أن نقصد ننق
فإذا التقت فتاة بشاب وأحببته ( وصار في علاقة ) وبدأ روميو زمانه يعمل رجال عليها ويبلش يسألها وين رايحة منين جاية وينق إذا لبست هيك أو إذا ضحكت هيك أو إذا قالت هيك....هنا تبدأ الفتاة بدورها الهام وتقوم بالنق على رأسه ( أنا هيك..أنت عم تشك فيني..شو مافي ثقة..أنت عم تحكم على علاقتنا بالنهاية إذا بدك تضل غيور..وعلى إيهي إيهي ) ومن كتر نق جوليت على رأس روميو...يقرر روميو يطنش ويعطيها حريتها
وما هي إلا أيام حتى تعود جولييت إلى نقها ولكن بطريقة مختلفة
ليش ما عم تسأل علي...تأخرت اليوم ليش ما دقيتلي تطمن عليي...ما شفته كيف كان عم يطلع فيني....أجاني ميس كول من رقم غريب وما حاولت تعرف مين صاحب الرقم.. شو شايفة ما عاد فرقت معك إذا لبست هالتنورة...)) قلي فهمني شو بدك !!؟!!!

::: نقاق شرقي :::

شاب شرقي نقاق : أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندها وجهة نظرها يلي تدافع عنها
((
بعد الزواج من المثقفة والذي لم يستمر أكثر من 3 أشهر ))

الشاب شرقي النقاق : طلعتلي روحي بضل حاطة راسها بالكتاب...لا بهمها طبخ ولا نفخ...بعدين بضل عم تجادلني... وعلى وجهة نظري ووجهة نظرك هديك المرة لسختها كف طيرتلها وجهها كله مو بس وجهة نظرها...هفف أن بدي وحدة حنونة تسايرني
((
بعد زواجه من الحنونة الذي لم ولن يستمر أكثر من شهرين ))

الشاب شرقي النقاق : قرفتني حياتي دايماً بالمطبخ وشو ما قلتلها بتقول حاضر.
كيف بدها تربي ولادي على هالشخصية الانهزامية لا بتهش ولا بتنش وحتى لما طلقتها بكيت شوي وما حكيت معي ولا كلمة يا زلمة......
لك أنا بدي وحدة حلوة ست بتفهم بالاتيكيت....
(( بعد زواجه من ست الصالون الذي لم ولن يستمر أكثر من شهر ))
الشاب شرقي النقاق : هفف يا زلمة هلكتني بمصاريف اللبس والمكياج تبعها هالمفزلكة يخرب بيتها شو فاضية ما في ولا مرة قرأت شي كتاب وشو ما بتحاكيها بتقلك ما بعرف وشو يعني....(( لك أنا ما بقدر غير عيش مع وحدة مثقفة يا زلمة ))
ويستمر الشاب شرقي النقاق بالنق إلى أن يأخذ الله أمانته
أجمل ما في الأرواح أنها لا تملك لسان لتنق.....أي والله

بالحقيقية نقلتي لنا موضوع مهم ويجب علينا أن نستفيد منه ونلغي هذا النق من حياتنا .. او على الآقل تحجيمة بطريقة ايجابية...
وهنا تدخل القناعة الفردية للشخص بدور كبير
يجي أن تكون قناعاتنا واقعية ونحاول قدر الامكان ان نستفيد من وقتنا الحاضر ولا نعطي لشيئ على حساب الآخر وخاصة من عمرنا الجميل.....
الطفولة عشناها بأجمل مراحلها وعندما نكبر ليس هناك من سبب لنتذكرها ونبكي عليها بحسرة بل يجب أن نعيش مرحلة الشباب بكل مافيها ونعطيها حقها الكبير...
عندما نرتبط مع أنسان لانتلائم معه مئة بالمئة صح نبدأ بنقده ولكن ليس بالمنطق بل بالنق واذا لم نعجبه كذلك يبدأ بالنق
وتصبح حياتنا كلها طاقة سالبة تضارب بعضها البعض
حتى طريقة النقد لا تعد نقد بالحقيقية بل نق سالب ينعكس علينا بطاقة تلغي كل الاشياء الموجبه حولنا وتجعلنا تعساء..

هل حاولنا مرة أن نراقب نفسنا.. طريقة كلامنا وتعبيرنا عم يزعجنا..... وحتى كيف نوجه النقد الى غيرنا من اولادنا الى اصدقائنا.... طبعاً لا... حتى لانعترف لنفسنا اننا غلطنا بطريقة طرح الموضوع.. او النقد... هذا اكبر نق سالب

لو حاولنا استغلال الوقت الحاضر..... لو راقبنا أنفسنا...
لو تقبلنا الغير مثلما هم دون أن يشوه هذا في طرق حياتنا وفكرنا... لتخلصنا من الكثير من نتائج هذا النق الذي يسرق السعادة والفرح والاستقرار من حياتنا
اشكرك ايتها الغالية موضوع كتير مهم وكلنا نمر به دون أن ندري....
لك كل الحب سالي والف شكر

من طرف **سالي** الأربعاء يناير 20, 2010 6:01 am

هل حاولنا مرة أن نراقب نفسنا.. طريقة كلامنا وتعبيرنا عم يزعجنا..... وحتى كيف نوجه النقد الى غيرنا من اولادنا الى اصدقائنا.... طبعاً لا... حتى لانعترف لنفسنا اننا غلطنا بطريقة طرح الموضوع.. او النقد... هذا اكبر نق سالب

تحياتي لكي مدام خلود لكلماتك كل العبر والخبره والقدوه تكسبينا بكلماتك كل ما هو فائده لحياتنا مشكوره فانتي نوارتنا مشكوره

من طرف **صفاء** الجمعة يناير 22, 2010 9:03 am

صديقتي سالي

عنما تقرأ الموضوع لمجرد القراءة فقط نجده فكاهيا جدا بل ومضحك

اما إذا فكرنا أن نعيش لمجرد لحظات وسط هذا النق مأنها ستكون كارثة

مأساوية فعلا

لذلك يفضل أن تكون لمجرد المرح لا أكثر

شكرا لك عن جد ضحكت من كل قلبي

تحياتي لك

نق نق نق

نق نق نق

رد: نق نق نق

رد: نق نق نق

رد: نق نق نق