(شفت بوطي؟؟؟)

علي: شفت بوطي الجديد؟
جورج: مبروووووك.
علي: الله يبارك فيك.
جورج: وين بوطك القديم؟
علي: اهترأ فرميته بالزبالة.
جورج: بس ليش بوطك الجديد لونه غير؟
علي: ليش مش مناسب علون الثياب؟
جورج: لأ طبعا..ثيابك بوادي و بوطك بوادي ثاني!!
علي: سيدي...كلو بوط بتلبسو برجلك و السلام..مين مدقق!!
جورج: أنت حر. تعال نشرب قهوة عندنا بالبيت.
علي: شكرا أخي جورج و الله مستعجل..بدي روح لمّع بوطي عند البويجي و بعدين روح اسمع اخبار.
جورج: يا رجل بلا وجعة راس..ما بيجينا من ورا الأخبار غير وجع الدماغ.
علي: و كيف بدنا نعرف شو عميصير بالدنيا..مش شايفها مولعة؟
جورج: خليها عربك يا مواطن..بطيخ يكسر بعضو......
علي: له يا رجل..هذا كلام بينحكى؟
جورج: و ليش مين أحسن من ربك يعدلها؟؟
علي: و نعم بالله..بس اللي علينا منعملو.
جورج: عن إذنك شوي..ألووو..أهلين حياتي..ماشي يلا جاي..باي. أوكي أخي علي أستأذنك خلينا نشوفك ها!!
و د ير بالك على بوطك يتوسخ أكثر ههههههههههههههههههههههههه
علي: ان شا الله ......

الاخوة الاعزاء :
ان من يقرأ الحديث المكتوب يفهم ان المقصود بالموضوع الدكتور البوطي فهل هو المقصود

اصدقائي
دائما محمود يتحفنا بسؤال غريب المعالم وهمه ان يهاجم احد او ينتقد احدا
فما السبب الله اعلم
فهو اعلم

الاخ زياد وانت ايضا تعلم

أيها السادة معاذ الله ان يكون الدكتور البوطي هو المقصود هنا و لكنها دعابة ليس الا و شفتو لوين ممكن يودي تفكير البعض؟
لا حول و لا قوة الا بالله مع الشكر للجميع

بس بوطك يا مدام بوط نسائي و شايف منه كثير لكن بوطي انا رجالي يعني كعبه اقصر
و ملمع اكثر و مبوز ليقدر يحصر الصراصير
بالزواياو على فكرة قياسو مناسب لكل رجل

من زمان كان الواحد يفرح ببوط كعبو عالي

اليوم بوطي الواطي فعلا بسبب الم و مشكلة

و عمفكر ارميه و البس شحاطة افضل و اخيرا

ست خلود مع احترامي لبوطك يمكن يكون احسن

لأنو يمكن مش صيني