شعرهم قبل الثورة كيف كان ؟؟؟

اذهب الى الأسفل

شعرهم قبل الثورة كيف كان ؟؟؟

مُساهمة من طرف اياد كرباج في الأحد فبراير 13, 2011 2:05 am

شعر / أحمد فؤاد نجم

ياشعبي حبيبي ياروحي يابيبي
ياحاطك في جيبي يابن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدروخ وآخر انسطال
احبك مكبّر دماغك مخدّر
ممشي امورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف
وخايف وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال

واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولار او ريال
واحبك تطبل تهلل تهبل
عشان مطش كوره وفيلم ومقال
واحبك تأيد تعضض تمجد
توافق تنافق وتلحس نعال
تحضر نشادر تجمع كوادر
تلمع تقمع تظبط مجال
لكن لو تفكر تخطط تقرر
تشغلي مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال
وعايز تنور وعايز تطور
وتعمللي روحك مفرد رجال
ساعتها حجيبك لايمكن اسيبك
وراح تبقى عبره وتصبح مثال
حبهدل جنابك وأذل اللي جابك
وحيكون عذابك ده فوق الاحتمال
وامرمط سعادتك واهزأ سيادتك
واخلي كرامتك في حالة هزال
وتلبس قضيه وتصبح رزيه
وباقي حياتك تعيش في انعزال
حتقبل ححبك حترفض حلبك
حتطلع حتنزل حجيبلك جمااااال
avatar
اياد كرباج

عدد المساهمات : 5
تاريخ التسجيل : 26/12/2010
العمر : 39
الموقع : السويداء

الرجوع الى أعلى الصفحة اذهب الى الأسفل

رد: شعرهم قبل الثورة كيف كان ؟؟؟

مُساهمة من طرف خلود هايل حمزة في الإثنين فبراير 14, 2011 10:33 am

الغالي أياد
أنها قصيدة تستفز الشعب الذي يريده الحاكم هكذا

مستهتر.. نائم.... مسافر..... غير حالم.... مستسلم.. محاصر بالمخاطر

عندما نراه نائم على الضيم والخيانة ثلاثين عام ماذا سنصفه بعدها

هذا هو شعر الشاعر الشعبي الكبير أحمد فؤاد نجم الذي يحرض الشعب على الثورة ومقاومة الخيانة والظلم

وهذا هو اليوم قد استيقظ شعب مصر على نور الحرية وتقرير المصير واستجاب القدر لحقه الآكبر

,أكيد شعب جمال مستحيل أن ينام أكثر في الظلام

هلا فيك من جديد ايها الغالي واشتقنا لك ولمشاركاتك الحلوة

مع كل الحب وياهلا

_______________________________________________
ادعوكم لزيارة موقعي الخاص
[ندعوك للتسجيل في المنتدى أو التعريف بنفسك لمعاينة هذا الرابط]
avatar
خلود هايل حمزة
عضو مجلس ادارة
عضو مجلس ادارة


عدد المساهمات : 2366
تاريخ التسجيل : 19/05/2009
العمر : 62
الموقع : فنزويلا

http://www.postpoems.com/members/kholod

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى