منمشي خطوة لقدام ومنرجع عشرة لورا

من طرف **لمـــى** السبت يونيو 26, 2010 6:13 pm

الحقيقة ان العنوان يليق بالهوارة اكثر
ويمكن عنوان فشة قلب لبناني احلى
قبل كم يوم سمعت انو في خطة لتصير الكهربا 24\24 يمكن في غلط بالنص لان هيدا العنوان مسلسل امريكي بتعرضه الفوكس موفيز
المهم بالحديث انو وعدونا بخطة للكهربا وقال بعد اربع سنين احتمال انو الكهربا تصير دايمة وكل يوم ولاتاني مسودة ومبيضة يا جماعة الحبر مش مشكلة كلو على حساب الميزانية والورق كمان بس الصدق مين عم يدفع ثمن خسارته هلق نحنا مع معاليه مش ضدو ومتل ما قال خطة فاشلة احسن من بلا خطة حلوووو الحكي
يمكن عندو وجهة نظر بالموضوع ويلي صبر عشرات السنين ما وفقت الحكاية على اربع سنين كلام منطقي واللي شرب البحر ما بيغص بالساقية جميل الكلام
بس كمان يعني مش معقول تكون الدنيا كلها لقدام ونحنا لورا طول بالك ما تروح معاليك بعدني ما خلصت كلامي من شو متضايق المكيف شغال والقهوة سخنة
هالمرة على حسابي القهوة بس الكهربا على حسابـ الميزانية ــك فروق الله يخليك اقل منها تسمعني شو رح قول
طيب شبكة التلفونات ما قلنا شي اصلا تعودنا على السيللولير وفواتيره الثمينة وصرنا نشبك عالنت منه مش هم والمي الحمدالله ماشي حالها اي ماشي متل اول
بس يا اخي والله فطسنا بلا كهربا وموجة الحر بكره بتزيد يعني لو البراد بيمشي على البطارية كنا فتحناه وقعدنا قباله بس الغرب ما عجبن براد البطرية
واكيد بطرية سيارة لان على شو بدنا نشحن اذا ما في كهرباااااا بتعرف معاليك والله عتلانة الهم انزل اجازة على لبناني حبيب قلبي بعرف انو اللي بيحب لازم يضحي ويفطسسسسسسسسسسس من الشوب معلش بس يا اخي والله مش عم تضبط معنا يعني
هلق وينو المحاسب تبعكن يلي كل يوم والتاني بيرفع خسارة الميزانية تبع دولتنا لفوق طيب ما في سقف عنده للخسارة يعني اووه يمكن وســــ الجيبة ــع اي حتى الخياط على حساب الميزانية
يا اخي اذا ايرادات الدولة مش ملحقة على كم واحد واسرهم كيف رح تلحق على الشعب كله؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وكيف رح نصلح الكهربا!!!!في شي خطة لهيك خطة ,طيب طيب رح هدي شوي وقلي
وين صار هيدا اللي كمشتوه مهرب بالمينا مدري وين صارت اخباره والقمحات وين صارو
طيب ما مشكلة طنش ما ترد بهالزمان سمعنا عن شي اسمو لائحة وعلى رأس اللائحة وين صارو كمان
صح نسينا انو وقع فنجان النسكافيه عليها وانتلفت طيب ما عندك لابتوب اه نسيت كلمة السر للدخول
بقلك شغلة بكرة بس تفتح اللابتوب سجل هالمواضيع ابقى على مدونة على الشبكة منشان ما تتلف منيحة مدونة الفيس بوك ومنو منتناقش هونيك

وتككككككك انقطعت الكهربا
شو معاليك مش عم تدفع لفواتير تخمين؟؟؟؟؟
ديرو الهاوس على كهربة الموتير يا شباب المقابلة بعدا ما خلصت
ما في مازوت
هاتو الشمعة معناها!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

وحتى بلا تعليق مش مشكلة تعودنا ااااااااااااااااااااااااااااااااا تسمع روسيا واميركا اصواتنا وعلى الفاضي معاليهم .....الله يديم الديمقراطية ثقافتهم سنسكريتي
وتيتي تيتي متل ما رحتي متل ما جيتي

وبحبك يا لبنان يا وطني بحبك............

من طرف **سحر الشرق** الأحد يونيو 27, 2010 12:20 am

ولووووووووووو ليش المسألة وقفت على الكهربا؟؟؟؟؟؟؟؟؟

الله يجعلها أكبر المصايب

ما الشغلة كلها مكهربييييييييييييييييي

الغالية لمى مشكلة قطع الكهربا عالمية الظاهر

عنا بسوريا من سنين التقنين وكل يوم ساعتين بكل حاره

وعنا كمان في فنزويلا من سنة تقريب مشت العادة

واتصوري الحياة من غير مكيفات والشوب لاحد له

بس الله وتشافيز رضوا علينا ومن اسبوعين انتهت المشكله وماعاد انقطع الكهربا

بالحقيقة مشكله واكتر شيئ من اجل المكيفات
والشوب الحارق
وبحبك يا وطني بحبك
بسيطه ياختي حطوا راسكم بين الروس
وقولوا ياقطاع الروس

تحياتي

من طرف **لمـــى** الأحد يونيو 27, 2010 2:26 am

قولتك يا سحر الشرق!!!
لشو الكهربا ما هالعالم مضوية خلقة ما هيك.....
لا اكيد مش بس مشكلة الكهربا للاسف
بتحبي نعد؟؟؟؟؟
ولا بلاها ما بدك وجع هالراس
وخلص مش مشكلة هني مبوردين خيتو
والباقي ان الله عطاهن عمر بيقلعوا بهالاربع سنين
وعيش......
مشكورة على المرور

من طرف **لمـــى** الأحد يونيو 27, 2010 2:33 am

هلا ست خلود

طبعا مشكلة الكهربا عالمية ليش فيكي تقليلي اي مولدات رح تلحق على الشعب كلو
اي ما كل الشعب مضوي تري فازي كمان
ارتفاع الاسعار عموما هون وهونيك ووين ماكان غلا المعيشة والمازوت والبنزين ووووو وبدك بعد تلحق هالمولدات على الشعب؟؟؟؟؟؟
اتكلي على الله قريبا كل شي رح يصير على الغاز......متأملين بهاي ما يصير تقصير
وملف الفساد مدري وين حطوه بأي جيبة............
وان حطينا راسنا بين الروس متل ما عم تقولي خاف يضيع وما نعود نلاقيه!!!!
وبعد كل هالهموم قعود دور على راسك!!!!!!!

نورتي ست خلود

الأخت لمى المحترمة

موضوعا ومشكلة أحسبها تلامس واقعنا الجميع ( لاتشكيلي ببكيلك )

والله مسكين ها لفقير ويكثرهم في وطننا

بس بالله المستعان

تحية مع نور وشمعة تضيئ الظلمة

*** عــدنــــــــان ***

من طرف **لمـــى** الإثنين يونيو 28, 2010 12:55 am

الاخ عدنان

أشكرك على المرور الذي أنار ظلمة صفحتي

ولكن يا أخي إن لم نشتك لبعض لمن سنشكي

فنحن لبعضنا نسمع أليس كذلك

دمت بخير اخي الكريم ونأمل خيرا بالمستقبل البعيد إن عشنا

من طرف **ESSAM MAHMOUD** الإثنين يونيو 28, 2010 1:05 am

قيل قديما ** اهل مكة أدرى بشعابها **
وانا بدوري أقول أهلنا بلبنان أدرى بشعابهم وبما يدور حول الشعاب

ربما تجدين تفسيرا ً في الصورة المنشورة في أسفل الصفحة لسبب هذا الإنقطاع

تحياتي لك الإبنة العزيزة

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **نزار شجاع** السبت يوليو 10, 2010 5:11 am

أهديكي أغنية زياااااااااااد
(قالوا رح ينقطع الهوا ...هـ اليومين .....آه آه
منرجع نتنفس بعدين
قالوا رح ينقطع المي بهـ اليومين
مننزل منعبي من العين
....................................................................................................................................؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا يهمك رح نرجع عا السراج والفتيلة

.. وأختم بأغنية

راجع راجع يتعمر راجع لبنان
راجع تايخلي الأخضر أحلى ما كان

ودمتتتتتتتتتتتتتتتتتتتتتتتتتتتتتتتتتتتتتتتتتتتتي

من طرف **لمـــى** السبت يوليو 10, 2010 9:20 pm

تحية للجميع

معلووووم أدرى

دكتور عصام نحن بالأكبر من الصورلم نجد تفسيرا هل تعتقد أن بالصور أي تفسير

بسيطة بتهون.

شكراااااااااا لمرورك

هلا أخ نزار شكرا على التعليق اللطيف
ليس هناك خلاف على لونه هو أخضر أخضر مهما استخدم من أصباغ

أما بالنسبة للسراج والفتيلة!!!!!فممكن جداً
من جديد شكرا على مرورك

دمتم جميعاً شخصا وقلماً.

منمشي خطوة لقدام ومنرجع عشرة لورا

منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا

رد: منمشي خطوة لقدام ومنرجع عشرة لورا